Anonymous thought of the moment..

Sochti hu samjhaau

ke dil mein kya hai.

samandar hai..

aasmaa hai..

kaise batlaau

kaise samjhaau?

khudi jab puchhti hai

ke bataao mujhe..

to bol jaati hu ik dum mein sab

jaise samandar ko ik boond mein tabdeel kar diya ho

dekhti hoon jab sangharsh ko tumhaare,

aur dekhti hu sangharsh ko apne..

ik sanghyaa hai..

par saath juda hai ek visheshann

jo dikhta nahi par hai

aur asal mein sanghyaa

visheshan ka visheshann hai..

Wrote this one a few days ago..state of mind of that moment! :)

mann bhar aayaa!

shayad,

itna bhar gaya ke

chhalakne laga tha..ab aadha gir gaya.

aadhe mann se jeene ko mann nahi karta ab

mann..bhar gaya ab!

kuch hain

jinke liye aadha bhi poora hai..

jinke liye aadha bhi amrit hai..

bhare huye dikhna hoga abhi,

unke liye aadha bhi poora hai.

bhare hue na dikhla sakti main abhi,

unke liye vish hoga.

mann bhar aayaa!

par bhare huye dikhna hoga..